القصيدة الجديدة عبد الرحمن الأبنودى

ما لقيتلهاش عنوان

ولحدّ ما تنشف منابعها البترولية

وتجف ربوع أراضيها.. الزراعية

وينام الموت.. يتمطع في البرد وفي الشرد

وتعود كل البنايات العالية للأرض

بالجوز والفرد

وينطفي في خدود صباياها

لهيب الورد

ولحد أمّا يموتوا

كل ملوكها ورؤساءها وأمراءها

وولاد أولاد:

كل ملوكها ورؤساءها وأمراءها

ولا يفضل منهم حد

لحدّ الكٌُترة ما تصبح قِلة

ولحد قصور الأمرا

ما تتلطع علي واجهاتها الجلَّة

ولحد الشمس ما تطلع م الغرب

ولحد ما تضني - من غير حرب

كل جيوشنا وعاسكرنا الآنية

وجيوش وعساكر كل الأجيال الجايه

وكل الخلق ف كامل أرجاء الأمة

أصحاب ضمايرها

وقلالات الذمّة

الأغنيا.. والفقرا..

سُراق المال.. والأجَرا

مُحتكري الصحة.. وأصحاب الِعلّة

كلّنا: مِلَّة.. مِِلّة

حنموت.. وولادنا تموت

وولاد أولاد أولادنا تموت

واحنا لسه بنقول عنها:

«الأرض المحتلة»!!

تسلم ايدك يااستاذ احمد الابنودى ملوش حل بس مين بيسمع ولا بيتكلم الله ينور عليك

شكرا لردك الكريم
و
تقبل تحياتى

» سلسلة تاريخ الصحابة العشره
» هبة عبد الرحمن سليم (من ملفات المخابرات المصرية)
» المقدمة الجديدة ل نوكيا