الجمال انواع

كانت الوالده بتحكيلى عن نهارى وليللى وكانت بتقول كلام ولا فى الاحلام

كنت زمان واد صغير وعليه العين والنيه وكنت شاب منور وبحلو الكلام بتغير

وكنت لعيب كوره كبير رغم انى كنت قصير ...وكنت زى الحمام بيطير

وكانت عنيه خضرا رغم انى كنت زلابطه ...ولابس شورط ومعاه جرفته

وكان سواد الليل فرصه علشان ادارى جمالى من الحسود وعزالى اللى على بالى

وكان الوش قمر يوم البدر...اصل كانت الوالده بتشوفنى قبل الفجر

وكان كلامها فى الظلام فرصه حتى لاترانى

اصل زمان قاله القرد فى عين امه غزال وهوبرضه واحد من عيالى

ومكانش عندنا مرايا وكنت بكتفى واقول كلام الوالده كفايه

ومكنتش عارف انى دى مش الحقيقه وان كلام الوالده هدايه

ولما أشترينا مرايا اكتشفت ان الوالده خدعتنى وبالجمال شبهتنى

ووجدت فى المرايا فيل صغير شكله من زمان كان برميل

اصل المرايا حكايه وبتكشف كل متدارى حتى ولو كان من امثالى

قلت فين الجمال ياست الكل ..قالت يابنى جمالك اصله روحانى

اصل الجمال انواع منه اللى بيتباع ومنه اللى فى العيين جوانى
جمال الروح يهون عليك المصائب وجمال العقل يسهل عليك المطالب.
وجمال النفس يحقق لك المكاسب...... وجمال الشكل يسبب لك المتاعب

الجمال انواع منه ما يخلي صاحبه ملتاع ومنه ما يختفي مثل الهوى مع الشراع

الجمال انواع منه مايخلي صاحبه ملتاع وهناك نوع منه يأمر يطاع

والكل لرغباته انصاع

الجمال انواع نوع ينشرى ونوع ينباع..
مافيه اخضاع.. كل ما في الامر مجرد اشباع ولرغباته انصاع