الكرش ..........

موضوع: الكرش .......... الثلاثاء فبراير 03, 2009 9:21 pm

الكرش

الكرش
المرة دى الستات والرجالة فى الهوا سوا ومافيش حد احسن من حد

وطبعا الكرش عبأ كبير
والتخلص منه مريح جدا ضمن التخلص من اعباء الحياة
وكفاية علينا عبأ توفير لقمة العيش واللهث المستمر وراء الحياة
يعنى مش عايزين أعباء إضافية
علشان كدة عايزين نعلنها سويا
دعوة للتحرر
من ذلك الذى نحمله أمامنا أينما ذهبنا
فهيا نعود فراشا
بكام ياترى ؟
ماهى ما فيش حاجة اليومين دول من غير فلوس
أبدا من غير ولا مليم
تخيلوا
بس التمن حاجة تانية خالص
التمن إرادة
التمن إلتزام
والإرادة طريق السعادة
المهم
العلاج المجانى ده عبارة عن ايه ؟
هنقوله كدة عنواين وبعدين نرجع نشرح
1.وقاية
2.مشى
3.تمارين رياضية
4.عوامل أخرى طيب ممكن تفسرى
حاااااضر

أولا

الوقاية خير من العلاجمبدأ متفقين عليه
إن أفضللى 100 مرة إنى أتجنب الأسباب قبل حدوث النتائج
يبقى الوقاية هنا معناها تجنب الأسباب
أسباب ؟
هو الكرش ليه أسباب ؟
أيوة ..........
نقولها كدة كنقاط علشان ما نطولش *
1.دهون

مترسبة فى الجدار الأمامى للبطن
أو

مترسبة فى الأحشاء الداخلية مسببة لكبر حجم المعدة والأمعاء
وطبعا ترسب الدهون ده سببه نفس أسباب السمنة (عادات غذائية خاطئة )

2.عادات غذائية خاطئة

الإكثار من الوجبات السكرية والنشوية والدهنية

الإستعجال فى الأكل يؤدى إلى إبتلاع الهواء وبالتالى تضخم المعدة والأمعاء.

كثرة شرب الماء والمشروبات الغذائية أثناء الوجبات

التركيز على تناول وجبة واحدة دسمة فى اليوم وإهمال باقى الوجبات بهدف التخسيس مثلا.

النوم بعد العشاء مباشرة

عدم تنظيم أوقات الوجبات

التغذية العشوائية للحامل وعدم ممارسة الرياضة أثناء الحمل وبعد الولادة.

3.عوامل اخرى :

قلة الحركة والخمول وكثرة النوم والإسترخاء والكسل.

التدخين والشيشة تؤدى إلى دخول الهواء فى الأمعاء.

أمراض القولون وتجمع السوائل فى التجويف البطنى .

رفع الأشياء الثقيلة بطريقة عشوائية تؤدى إلى هبوط المعدة والأمعاء.

كبر السن يؤدى غلى ضعف العضلات.

ضغوط نفسية أو قلق يؤدى إلى إلتهام كميات كبيرة من الطعام.
إن كانت هذه الأسباب
إن تجنبناها
فمن اين ينمو الكرش ذلك العزيز؟؟؟؟

ثانيا
المشى

إن كان على أنا نفسى أكتب المشى أولا
او نفسى أكتب المشى ثم المشى ثم المشى
ولكن ما باليد حيلة
اللى أنا عايزة أقوله إن المشى
مهم
ويمكن من غيره الموضوع كله ما يبقاش جايب همه
ونخللى الكرش مكانه أفضل
طيب ليه مهتمة سعادتك بالمشى قوى كدة
لإنه مهم
مهم إزاى ؟

:luck:مهم لإنه بيحرق لحضرتك 300 سعر حرارى فى الساعة لو ماشى بسرعة متوسطة ولو مديت الخطاوى حبة هيبقوا 350 سعر حرارى فى الساعة الواحدة .
:luck:مهم لإن فائدته بتفضل ممتدة لمدة يومين او اقل حبة لإن العضلات بتفضل منقبضة فى الفترة دى والإنقباض ده بيحرق فى الدهون.
:luck:مهم لإنه بيقوى عضلات البطن والفخذين .
:luck: مهم لإنه بيساعدك فى التخلص من ترهلات الجلد فى منطقة البطن
:luck: مهم لإنه بيفيد فى علاج المضاعفات الناتجة عن الكرش زى إرتفاع ضغط الدم ونسبة الكولستيرول.
يااااااااه قد كدة مهم
لأ
ده مش مهم بس
ده أفضل دواء مستخدم
ايه ياأفندم ...بتقولى دواء؟
أيوة
دواء
وطالما دواء يبقى لازم له جرعة ومواعيد وطريقة إستخدام
ولو ما إتمشاش عليهم هيفقد صلاحيته كدواء

الجرعة :
ساعة فى اليوم
كتيييير
معاكم حق
لازم الوقت يقل حبة
خلاص على الأقل 3 مرات فى الأسبوع
وأكرر على الأقل

المواعيد: والمعدة فاضية
أفضل وقت بقى فى الفجر أو بعد العشاء ب3 ساعات
وبصراحة بانتهزها فرصة
وأهمس فى أذن إخوتى
أن يذهبوا لصلاة الفجر مشيا فى مسجد بعيد عن البيت بمسافة كافية
فيبقى كدة اتنين فى واحد
كل خطوة عليها ثواب ويبقى مشينا
رياضة الروح والبدن
وبشر المشاءين فى الظلمات بمنابر من نور يوم القيامة .

طريقة الإستخدام بس ياريت قبل ما تقروها ماحدش يقول والله البنت دى عقلها فيه حاجة
والله انا بريئة
الكلام ده مش بتاعى
وما ينوب المخلص إلا تقطيع هدومه
أنا باقول كدة لإنى أول ما قريت المفروض نمشى إزاى إندهشت وفغرت فاهى (فتحت بقى يعنى بالعربى ) وقلت مين اللى هيعمل كدة
بس حسيت إن كل حاجة ممكن تيجى بالتعود ولو أنا حطيت الطريقة فى دماغى يومين تلاتة هاتعود عليها
بلاش لك بقى وأدخلى فى المفيد
حااااضر
آسفة
هو فى الحقيقة فى

شروط لإستخدام المشى كدواء

إمشى إمشى إمشى وما تقفش إلا وإنت فعلا حاسس إنك مش قادر تكمل (يعنى مش تمشى خطويتين وتقف تتفرج على الناس اللى رايحة واللى جاية وبعدين تمشى تانى علشان تقف بعد خطوتين تشترى ترمس وفول سودانى ).

وسع الخطاوى كإنك بتجرى جرى بطئ

حركة إيدك تبقى عكس حركة رجليك يعنى رجليك اليمين قدام تبقى الإيد اليمين بتطوح لوراء والرجل الشمال وراء يبقى الإيد الشمال بتطوح لقدام.

أن ظهرك يكون مفرودًاً أثناء المشى حتى لا يسبب بروزًاً في منطقة البطن.

أن يلامس مشط القدم الأرض قبل الأصابع والكعب.

أن يكون المشى بصفة منتظمة.. ويتم زيادة مدته تدريجيًا.

كدة يبقى أولا وثانيا إتكلمنا عليهم بالتفصيل الممل جدا
وعلشان التفصيل ممل جدا والناس نامت
فنخلى ثالثا ورابعا بإذن الله نتكلم عليهم بكرة

نيجى بقى

لثالثا
الرياضة والتمرينات

ياناس يانشيطة
التمرينات بقى ليها فايدة عظيمة
وجميلة
و
أقول الفايدة اسهل
شوفوا ياجماعة
التمارين الرياضية مهمة

مهمة لإنها بتزود فاعلية عمل القلب وبتحسن الدورة الدموية

مهمة لإنها بتزود اللياقة البدنية

مهمة لإنها بتساعد على تناسق العضلات

مهمة لإنها بتحسن عملية الهضم والنوم

مهمة لإنها بتحسن قدرة الرئتين من الإستفادة من الأوكسجين

مهمة لإنها بتقلل من الوزن الزائد وبتقلل الكولستيرول

مهمة لإنها بتساعد على مستوى معين للسكر فى الدم
خلاص
آمنا بالله
عارفين والله إنها مهمة
ومصدقين
إدخلى فى المفيد
ناس حتة قبل المفيد
بس مهمة علشان المفيد يبقى مفيد
دلوقتى حضرتك ناوى تلعب رياضة
جميل طبعا
بس ياريت حاول

حاول تختار مكان واسع ومناسب وياسلام لو كان مكان مفتوح فى الهواء الطلق يعنى لإن التمارين الهوائية مهمة لحرق السعرات الحرارية ولتحسين كفاءة القلب والرئتين والجهاز الدورى وتخفف البطن
بس بقى مش معنى كدة إننا عايزين الستات يطلعوا يجروا فى الشوارع
والنوادى تملى آنسات ومدامات لابسيت ترنجات وبيتنططوا قدام الناس
تيجى تقول يا أهل الخير حرام
ما يصحش
تبقى هتاكلك وتقول بعلو صوتها أصح وضع للتمارين فى الهواء الطلق
معاكى حق طبعا
ده فى حالة إن ربنا عاطيكى ومتجوزة واحد باشا فاتح لك نادى مخصوص أو لو عندك جنينة تبقى فيها مطمئنة على نفسك ولو عندك بالكونة متقفلة بستارة تأدى الغرض
ولو ما فيش
الله يخليكن فى بيوتكن أولى بيكن ولو ما ينفعش خلاص الكرش ارحم
اللهم هل بلغت اللهم فاشهد

حاول تبقى الهدوم اللى لابسها مريحة وخفيفة وقطنية

حاول تبقى مستريح قبل ما تمارس الرياضة يعنى ما تبقاش مجهد وروحك طالعة وتعبان وزهقان

حاول يبقى بعد الأكل بفترة كافية (3 ساعات مثلا)

حاول يبقى فيه تدريب يومى ولو مشغول قلل فترة التدريب بس حافظ على كلمة يومى دى

حاول تؤدى التمارين بهمة ومرح وتركيز وجدية
جدية مش يعنى وإنت مكشر
لأ يعنى لازم تعرق وتنهج وتتعب

حاول تاخد نفس عميق بين كل تمرين والتانى

حاول تحافظ على إستقامة ظهرك اثناء تاديتك للتمارين لإن ده مهم جدا لعودة البطن لوضعه الطبيعى

حاول تعمل التمارين دى قدام مراية

حاول تعمل االرياضة على سطح مستوى (يعنى ما تنزلش فى شارعمش متسفلت ومليان حفر وهاتك يارياضة )

حاول تعمل تمديد "إطالة" عضلات الجسم بعد كل تدريب برفع الذراع إلى أعلى ومحاولة لمس أعلى نقطة على الجدار بأطراف الأصابع بالشمال مع الثبات عند أعلى نقطة لمدة خمس ثوان.

حاول تسجل وزنك كل ثلاثة أيام قبل الإفطار لتعرف مدى الاستفادة.

ولو

لو شعرت بدوخة او صعوبة فى التنفس أو ألم مفاجئ عند أداء التمارين توقف وأبدا فى تمارين الإسترخاء والتنفس العميق

لو شعرت ببعض الآلام فى العضلات والمفاصل بعد التمارين فى اليوم التالى فهذا شئ طبيعى ويمكن معالجة ذلك بالماء الدافئ مع فنجان ملح لمدة عشر دقائق مع التدليك للعضلة المتألمة.

لو كان الجو حارا فيجب الإكثار من السوائل بشرب الماء المعتدل بعد التدريب وقبله ورشفات أثناء فترات الراحة

لو كنت تشكو من أى مشكلات صحية فى القلب أو المفاصل أو أى مرض آخر استشر طبيبك قبل المزاولة
و
أظن كفاية كدة
ندخل بقى فى التمارين الموصوفة لإزالة الكرش
فى الحقيقة فيه

تمارين لإزالة الكرش
:luck:. رقود على الأرض ظهرا مع وضع الذراعين جانبا.
ترفع الرجلان فى عشر عدات ليكوّن الجذع مع الرجلين زاوية قائمة.
ويتم تثبيت الرجلين في هذا الوضع لمدة عشر ثوان.
ثم تخفض في عشر عدات
يكرر هذا التمرين عشرين مرة تدريجيا.

:luck: رقود على الأرض ظهرا مع وضع الذراعين جانبا.
يرفع الجذع عن الأرض مع الإمساك بالساقين ورفعهما إلى أعلى ارتفاع ممكن، ثم العودة لوضع البداية
ويكرر هذا التمرين 15 مرة.

:luck: الرقود على الظهر مع تشبيك اليدين خلف الرأس مع ثني الركبتين باتجاه الصدر .
ترفع الساقان لأعلى 90 درجة مع الجذع
تثنى الركبتان باتجاه الصدر مرة أخرى .
ثم تمد الساقان إلى الأمام 45 درجة
ثم العودة إلى وضع البداية .
يكرر هذا التمرين لأعلى وللأمام 10 مرات .

:luck:الرقود على الأرض مع الإبعاد بين قدميك وساقيك مع تشبيك اليدين خلف الرأس.
تسحب الرأس والكتف إلى أعلى مع محاولة تحقيق ملامسة بين الكوعين مع الحفاظ على هذا الوضع لمدة 10 ثوان .
ثم العودة الى وضع البداية
ويكرر 10 مرات .

:luck:الرقود على الأرض ظهرا مع ثني الركبة حتى يقترب الكعبان من الحوض .. وتشبك اليدان خلف الرأس .
يتم محاولة الوصول إلى وضع الجلوس ثم العودة إلى وضع البداية مع الاحتفاظ بالقدمين كما هما فوق الأرض .
ويكرر هذا التمرين تدريجيا 10 مرات .

:luck:يمكن تكرار التمرين الخامس مع عدم ثني الركبتين، تستمر الساقان ممدودتين على الأرض .
مع محاولة الوصول إلى وضع الجلوس وملامسة الكوعين للركبتين
(10 مرات)

:luck: الرقود ظهرا على الأرض مع مد الساق اليمنى على الأرض وثني الركبة اليسرى باتجاه الصدر بحيث تمسك اليدان بالركبة المنثنية .
محاولة الوصول إلى وضع الجلوس مع الإبقاء على الإمساك بالركبة ثم العودة لوضع البداية.
ثم يكرر التمرين مع القدم اليمنى.
ويتم تكرار التمرين 10 مرات.

:luck:جلوس على الأرض مع الإبعاد بين القدمين والساقين مع مد الذراعين جانبا.
يلف الجذع لتحقيق ملامسة بين اليد اليمنى والقدم اليسرى ثم العودة إلى وضع البداية .
يلف الجذع لتحقيق ملامسة بين اليد اليسرى والقدم اليمنى ثم العودة إلى وضع البداية .
هكذا يمينا ويسارا 20 مرة .

:luck:وقوف مع الإبعاد بين الساقين قليلا مع وضع اليدين في الوسط.
يثنى الجذع جهة اليمين في أربع عدات ثم العودة إلى وضع البداية ، ثم يثنى الجذع جهة اليسار في أربع عدات ثم العودة
.. وهكذا 15 - 30 مرة .

:luck:وقوف مع الإبعاد قليلا بين الرجلين ورفع الذراعين لأعلى .
يثنى الجذع لأسفل للمس الأرض مع عدم ثني الركبة ثم العودة لوضع البداية .
يكرر هذا التمرين من 15 - 30 مرة .

خلاص كدة ثالثا خلصت وربنا سهلها والحمد لله
ناقص كدة رابعا ويبقى مافيش كرش

رابعا دى بقى سهلة وبسيطة
علشان تزهق كل واحد نفسه ينزل كرشه

يعنى لو
هتنام
حاول ما تستخدمش المراتب والفرش الناعمة لأنها تضعف عضلات البطن وتقوس الظهر.
وحاول ما تنامش على بطنك (والنوم على البطن عادة غير إسلامية نهى عنها الرسول المختار)

والله ما انا نايم

طيب هتقوم تقعد
خلاص
حاول وإنت قاعد ركبتينك يكونوا فى مستوى أعلى من وسط الجسم (الحوض)

زهقتونى
خلاص
هأقوم اقف
طيب
بس
حاول أن تقف معتدلا (يعنى لو وقفت وظهرك ملامس للجدار يجب ان تلامس الجدار بالأطراف التالية : الكعب ، المقعدة وخلف الرأس.

بصراحة إنتم القعدة معاكم تحرق الدم
أنا ماشى علشان إتخنقت

وعايز اتنفس بعيد عن الخنقة دى
مع السلامة
بس
حاول على قدر الإمكان تسحب عضلات بطنك مع الزفير وإنت بتتنفس فى كل وقت وفى اى مكان لإن ده هيحسن قوام حضرتك وتحسين القوام مهم جدا للتخلص من كبر البطن.

خلاص ياجماعة
الكرش نزل
أنا عارفة إنها نصائح كتيرة وتزهق
بس علشان يكون عندنا مرجع متكامل لإن الكلام ده متجمع من كذا مكان
يعنى ما بأقولش إنه يتنفذ كله مرة واحدة
بس نحاول واحدة بواحدة
وآسفة إن طولت
وجايز اكون زهقتكم لكن العشم كبير بقى فى الصدور المتسعة والقلوب الطيبة
والسلام ختام

تمارين للتخلص من الكرش بالصور ..

تمارين للتخلص من الكرش بالصور

--------------------------------------------------------------------------------

اول شي لازم اتباع الخطوات التالية :

1- لا للماء قبل الطعام او من بين الاكل أو بعده.. الماء بعد الطعام بنص ساعه

وكلما بعد الوقت كلما كان أحسن..

2- الابتعاد عن المشروبات الغازيه..

3- الاقلال من أكل الارز والاشياء الي تسبب الغازات..

4- المشي على الاقل نص ساعه في اليوم.. والاكثار في شرب الماء اثناء الرياضه

5- عمل رياضة لعظلات البطن كل صبح وليل اعملوها واي وقت كمان بيكون احسن

وهذه صور لكيفية ممارسة الرياضة :

وصفات لترهل البطن والكرش

بسم الله الرحمن الرحيم السلام عليكم ورحمة الله وبركاته

1- ترهلات البطن : الوصفة الاولى :
يوضع مقدار ملعقة متوسطة من بذور الشمر في اناء يحتوى على كوب ماء ويوضع على النار

ويترك يغلي لمدة ( 6) دقائق من بداية الغليان ثم يصفى ويشرب كوب صباحا وكوب مساءا
________________________________________________2- الكرش : الوصفة الثانية :
شاي أخضر صيني + مرامية + بابونج + سنا ( مكي ) + قرفة ( دارسين )

طبعا من كل نوع ملعقة صغيرة ، يفضل نقع هذه المكونات في ماء مغلي ثم تصفى وتشرب صباحا ومساءا كل هذه الاعشاب توجد عند العطار .
_____________________________________________
3 - شد البطن : الوصفة الثالثة :
لما تكوني واقفة أو جالسة او تمشي في جميع الاحوال
أفضل شيء أن تشدي بطنك للداخل .
وهذه الوصفة دائما يكررها الاطباء ..
جربوا ما تخسروا شيء
4-

لازالة الدهون والكرش : الوصفة الرابعة :

زنجبيل ملعقة صغيرة + قرفة ملعقة صغيرة + قشر رمان ملعقة صغيرة .

تغلى على النار حوالي ( 10) دقائق وبعد ما نقفل النار نضيف نعناع أخضر وشاي أخضر

ونتركها قليلا ثم تصفى وتشرب مرتين في اليوم ..

وصفاااااااااااااااااااااات لازاله الكرش
________________________________________
--------------------------------------------------------------------------------

هذه وصفة رقم ((1))

تزيل الكرش إذا كنت تعانين من الكرش

وهي إنك تجيبين 2 ملعقة كبيرة من كل نوع:
قرفة ــ مسمار(قرنفل) ــ زنجبيل طازج ــ سكر أسمر ــ بن يمني

تخلط مع بعض وتوضع مع 3أكواب ماء وتغلى على النار لمدة نصف ساعة ثم تصفى وتشرب عند أول

يوم في العادة الشهرية وتستمرين على شربها طوال أيام العادةنصف كاس بعد العشاء

جربي وقولي رايك
وهذه وصفه ثانيه الموضوع بس للدببه
واصحاب الكروش الممتلئه

تتبع التالي
احضري نعناع اخضر
وقشر رمان مطحون (يوجد لدى العطارين)
وزنجبيل
شاي صيني اخضر (يوجد في الاسواق في علبه زرقاء)

الطريقة:ـ
اغلي في كوب ماء ملعقتين من كل صنف من الاصناف المذكورة اعلاة واشربيها بعد كل وجبه وستلاحظين زوال بطنك باذن الله خلال اسبوعين ( توة يقول اسبوع ) من اتباع تلك الطريقه ..
والتجربه مضمونه ( العهدة على كاتب الموضوع .. انا ناقلته فقط )

ولا تستغربين من اي اضطرابات في بطنك خاصه اول يومين
3_حل لمشكلة الكرش
طول ما انتي جالسة , واقفة, تمشي , تشتغلي....
يعني في كل احوالك
شدي بطنك للداخل
ومع الوقت راح تشوفوا النتيجة

وصفه رقم ((2))

قشر البن ((السر هنا ))

وملعقه كمون

شوي مراميه

وملعقه شاي اخضر

وبابونج شوي

احطهم في براد الشاي واغليهم

وصرت اشرب بعد كل وجبه واحيانا مره باليوم

ويشهد الله انها كمان لما تكون الدوره معايا واشرب هذا المشروب

برتاح وبتنظف

صدقوني كان وزني 75

وصار وزني 68

المهم انه جسمي متناسق ومرتاحه بالملابس ومشدود

الله الله بقشر البن تنحيف وتنظيف
شوفى عزيزتى معروف أن الكرش عدو اللذوذ للجنس اللطيف و لهذا

عندى لكم وصفة سهلة و سرعة المفعول و هى كالتالى:

خدى ملعقى شاى كمون بعد كل وجبة و الكمون معروف يذهب
الغازات و يقضى على الإنتفاخ يا سلام تخيلى جسم بلاكرشة واو

الكرش الشحمي هو بروز في البطن نتيجة لتراكم كميات زائدة من الدهون مع زيادة وتضخم في حجم الخلايا الدهنية في هذه المنطقة وغالبا ما يكون الكرش مصحوبا بزيادة في الوزن بشكل عام .ويمكن التغلب على هذا الكرش عن طريق الحمية الغذائية والرياضة مع الصبر والمثابرة فرحلة الألف ميل تبدأ بخطوة واحده.

الكرش الكاذب يظهر هذا الكرش نتيجة مجموعة من الأسباب منها احتجاز كمية من الماء داخل البطن "الاستسقاء"وهنا تكون الخلايا الدهنية في منطقة البطن طبيعية في العادة وهذا النوع يتم علاجه باستخدام مدرات البول مع التقليل من الماء والملح .

وهناك أسباب أخرى للكرش الكاذب وهو نتيجة وجود فتق في البطن أو نتيجة تضخم الطحال والأمعاء أو تراكم كميات كبيرة من الغازات وهذه الأسباب تؤدي إلى إنتاج البطن .

وهناك طريقة سهلة لمعرفة الإصابة بالكرش هو أن يقف الإنسان منتصبا ثم ينحدر بنظره إلى أسفل فإذا لم يستطع أن يرى روؤس أصابع قدميه فهو مصاب بالكرش.

هذا وليس من الضروري ان يكون المصاب في الكرش يعاني من سمنة مفرطة بل ان هناك أشخاص لا يعانون من أي سمنة في أجسامهم سوى وجود الكرش وهذه الظاهرة في الرجال أكثر منها في الإناث .

أسباب الإصابة بالكرش :

إن السبب الرئيس للإصابة بالكرش هو الإفراط في تناول الأطعمة ذات السعرات الحرارية العالية أكثر مما يحتاجه الجسم مما يضطر الجسم إلى تخزين ما هو زائد عن حاجته على شكل دهون في مناطق مختلفة من الجسم ومن إحداها البطن فتناول 200 سعر حراري يوميا زيادة عن حاجة الجسم يؤدي الى تراكم سبعة كيلو غرامات من الدهنيات في منطقة الكرش في عام واحد.

ومن الأسباب الأخرى في الإصابة بالكرش هي قلة الحركة والنشاط والخلود إلى الراحة والكسل كما يساهم ضعف عضلات البطن في زيادة الإصابة بالكرش .

وتؤكد الدراسات والأبحاث دورا للوراثة في ظهور الكرش عبر الأجيال فقد أثبتت الدراسات انه إذا كان أحد الوالدين مصابا بالكرش فان احتمالية إصابة الأبناء بالكرش هي 40% وتشير الدراسات انه إذا كان كلا الوالدين مصابا بالكرش أو السمنة فان احتمالية إصابة الأبناء هي 80% بالكرش والسمنة .

وقد وجد أن هناك عدد من الأشخاص عندما يصابون بضغط نفسي أو مشاكل أسرية أو عاطفية تزداد شهيتهم على الأكل هروبا من المشاكل وتكون النتيجة زيادة في الوزن والكرش .

وان الإقلاع عن التدخين قد تصحبه زيادة مؤقته في الشهية للأكل وبالتالي يزداد الوزن ويظهر الكرش عند البعض وقد عزى الباحثون هذه الزيادة إلى النقص المفاجئ للنيكويتن في خلايا الدماغ مما يؤدي بدوره إلى إفراز مادة السيرويتنن التي تؤدي إلى زيادة الشهية إلى الطعام وخاصة الكربوهيدرات فتكون المحصلة السمنة والكرش .

مضاعفات تجمع الدهون في منطقة الكرش

ان السمنة عامة والكرش خاصة خطر يهدد الحياة وقد معروفا أن السمنة والكرش مرتبطا إلى حد ما بالوفاة في سن مبكر ولقد وجد أن الوفاة في سن مبكرة بسبب الأمراض الخطيرة تزداد فرصتها مرة ونصف في المرضى المصابين بالكرش أكثر من الأشخاص الطبيعيين .

وقد أثبتت الدراسات أن تراكم الدهون في منطقة البطن وكذلك الصدر تزيد من احتمالية الإصابة بمرض السكري والضغط وزيادة الكوليسترول وحمض البوليك في الدم .أكثر من تجمع الدهون في مناطق اخرى من الجسم .

وقد تم تفسير ذلك من قبل الباحثين بان تركيب وظيفة الخلية الدهنية في منطقة البطن لها طابع خاص .فتعمل على زيادة كل من معدل الغلوكوز والأنسولين في الدم وكلاهما يلعب دورا مهما في تصلب الشرايين والمضاعفات الأخرى .

تمارين بسيطة ولكنها مفيدة لعلاج الكرش

وإليك مجموعة من التمارين البسيطة يستطيع الجميع القيام بها وخصوصا أولئك الذين يدعون عدم المقدرة على مزاولة الرياضة ومنها:

الرقود على الأرض ظهرا مع مد الرجلين للأمام وتحريكها إلى أعلى وللأسفل بالتبادل .

تحرك في الغرفة لمدة ثلاث دقائق على كعبيك و3دقائق على أصابع قدميك .

اصعد على كرسي الحمام ثم اهبط مرة ثانية ويكرر هذا التمرين عدة مرات .

مزاولة رياضة نط الحبل فهي تحرك عددا كبيرا من عضلات الجسم .

برنامج غذائي مقترح للمصابين بالكرش والسمنة

يحتوي هذا النظام على حوالي 1000 سعر حراري ويشتمل على كل العناصر الغذائية.

الإفطار:

3اكواب كبيرة من الماء على الريق مع إضافة ملعقة صغيرة من خل التفاح .

كوب عصير برتقال أو تفاح أو جريب فروت أو قطعة شمام أو بطيخ.

ويمكن أكل تفاحه أو برتقاله كبيرة بدلا عن العصير .

بيضة مسلوقة بدون ملح ويمكن إضافة بعض البهارات .

أو ثلاث ملاعق فول بقليل من الزيت والليمون أو ثلاث ملاعق لبن بقري بدون الزيت أو قطعة جبن حلوه .

رغيف صغير أسمر .

شاي أو قهوة بدون سكر ويمكن استعمال المحليات الصناعية من الصيدلية .

الغداء:

ثلاث أكواب كبيره من الماء مع ملعقة خل تفاح صغيرة .

سلطة خضار بدون تحديد الكمية مع إضافة ملعقة خل صغيرة بدل الملح .

150غرام لحم(دجاج او لعجل) مشوي أو مسلوق.

أو ربع دجاجه مسلوقة أو مشوية منزوعة الجلد أو بيضتان مسلوقتان +رغيف اسمر صغير .

العشاء:

ثلاثة أكواب كبيرة من الماء مضافا إليها ملعقة صغيرة من خل التفاح .

بيضة مسلوقة .

سلطة خضار بدون تحديد الكمية أو ثمرة فاكهة من فاكهة الموسم .

يمكن الاستعاضة عن البيضة بكوب لبن رايب بقري .

الأطعمة الممنوعة مع هذا النظام:

1.الحلويات والجاتوهات .

2.البطاطس المقلية.

3.الفواكه المجففة .

4. اللحوم الدسمة .

5.العنب والبلح والتين

6.الأرز والمعكرونة

7.الايس كريم والمشروبات الغازية (كولا ،بيبسي)

كل الحجات دى عشان نخفى الكرش لا ياعم الكرش ارحم بكتير خليه اهو عز بردوا

زائر

هههههههههههههههههههههههههههه
اية الطرق الملعبكة دى كلها حبة اكل صغنتتة مع حبة مشى كل يوم ونقلل السكر فى المشروبات هنبقى ميت فل واربعتشر ولا انت اية رايك يا كبير؟

هههههههههههههههههههههههه
شكرا لرددكم الكريمة
الرشاقة صعبة مش سهلة
متعكم الله
بالصحة
و
العافية