شباب عرب (صلى على محمد)
تشرفنا با انضمامك للمنتدى ونتمنى ان تشاركونا بموضوعاتكم وارائكم على مايقدم فى منتداكم بكم نرقى ولكم نقدم احلا مالدينا
وفى النهايه نتمنى ان تعم الفائده على الجميع
ونشكركم على اختياركم منتدانا ونتمنى ان تجدوا المتعه والفائده لدينا
ابو يوسف
شباب عرب (صلى على محمد)
تشرفنا با انضمامك للمنتدى ونتمنى ان تشاركونا بموضوعاتكم وارائكم على مايقدم فى منتداكم بكم نرقى ولكم نقدم احلا مالدينا
وفى النهايه نتمنى ان تعم الفائده على الجميع
ونشكركم على اختياركم منتدانا ونتمنى ان تجدوا المتعه والفائده لدينا
ابو يوسف
شباب عرب (صلى على محمد)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شباب عرب (صلى على محمد)

تحيا مصر 2030 - 2010
 
الرئيسيةالرئيسية  يوميات عمر وساره - صفحة 2 Empty  المنشوراتالمنشورات  أحدث الصورأحدث الصور  التسجيلالتسجيل  دخول  
المواضيع الأخيرة
» شيرين بعد حملها الأول : أحلم بثلاثة أولاد !
يوميات عمر وساره - صفحة 2 Emptyالجمعة أغسطس 06, 2021 12:58 am من طرف adme4u

» وصفة الصبار لتطويل وتكثيف الشعر
يوميات عمر وساره - صفحة 2 Emptyالجمعة أغسطس 06, 2021 12:54 am من طرف adme4u

» اكبر موقع لتحميل الافلام تورنت
يوميات عمر وساره - صفحة 2 Emptyالجمعة أغسطس 06, 2021 12:51 am من طرف adme4u

» Protect your eyes
يوميات عمر وساره - صفحة 2 Emptyالأربعاء يناير 09, 2019 11:55 pm من طرف admin

» ازاى يبقى حجابى شيك ويناسب شكلى ؟؟
يوميات عمر وساره - صفحة 2 Emptyالأربعاء يناير 09, 2019 9:43 pm من طرف admin

» جميع البومات ام كلثوم
يوميات عمر وساره - صفحة 2 Emptyالجمعة سبتمبر 28, 2018 4:36 pm من طرف adme4u

» عملاق حذف و ازالة البرامج من جذورها Revo
يوميات عمر وساره - صفحة 2 Emptyالخميس سبتمبر 13, 2018 11:03 pm من طرف adme4u

» Mulk 2018 مترجم
يوميات عمر وساره - صفحة 2 Emptyالأربعاء أغسطس 15, 2018 2:58 pm من طرف adme4u

» Windows 8.1 AIO November 2017
يوميات عمر وساره - صفحة 2 Emptyالإثنين يونيو 04, 2018 7:39 pm من طرف adme4u

»  Windows-10-Manager-2.2.9
يوميات عمر وساره - صفحة 2 Emptyالإثنين يونيو 04, 2018 7:38 pm من طرف adme4u

»  Windows 7 Ultimate SP1 December 2017
يوميات عمر وساره - صفحة 2 Emptyالإثنين يونيو 04, 2018 7:37 pm من طرف adme4u

» Windows 8.1 Pro December 2017
يوميات عمر وساره - صفحة 2 Emptyالإثنين يونيو 04, 2018 7:37 pm من طرف adme4u

» Windows 10 Pro RedStone 3
يوميات عمر وساره - صفحة 2 Emptyالإثنين يونيو 04, 2018 7:36 pm من طرف adme4u

»  Windows 10 AIO RedStone 3 November 2017
يوميات عمر وساره - صفحة 2 Emptyالإثنين يونيو 04, 2018 7:35 pm من طرف adme4u

» Windows-10-AIO-RedStone-3-feb18
يوميات عمر وساره - صفحة 2 Emptyالإثنين يونيو 04, 2018 7:29 pm من طرف adme4u

» Office-2016-Pro-Plus-February-2018
يوميات عمر وساره - صفحة 2 Emptyالإثنين يونيو 04, 2018 7:27 pm من طرف adme4u

» Windows-10-Enterprise 2018/
يوميات عمر وساره - صفحة 2 Emptyالإثنين يونيو 04, 2018 7:27 pm من طرف adme4u

» Ashampoo-Office
يوميات عمر وساره - صفحة 2 Emptyالإثنين يونيو 04, 2018 7:09 pm من طرف adme4u

»  Total-Uninstall-Professional-6.22.1.505
يوميات عمر وساره - صفحة 2 Emptyالإثنين يونيو 04, 2018 7:00 pm من طرف adme4u

» NoxPlayer-6.0.6.0
يوميات عمر وساره - صفحة 2 Emptyالإثنين يونيو 04, 2018 6:59 pm من طرف adme4u

مواضيع مماثلة
المواضيع الأكثر شعبية
عملية الشنكرة والادوات المستخدمة
قصة سيدنا ابراهيم ( ابو الانبياء )
الطلاء مادة الخامات
تعلم تحديث وفك شفرة القنوات بجهازك
أهم احداث ما وراء الطبيعه في تاريخ البشرية
اسطوانة رمضان 2018
ورشة عمل عن التخطيط المدرسى وكيفية إعداد خطة التحسين
الرسم الهندسى
اكبر موقع لتحميل الافلام تورنت
موسعة الحب اشعار خواطر شعر مقولات
يوــــــــــــــــ2018ــــــسف

مرحبا بكم
YouseF
أفضل 10 فاتحي مواضيع
احمد بديع
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
adme4u
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
admin
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
روشه
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
hmo
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
amira guesmi
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
sphinxson
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
م مى
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
Chiraz Chiraz
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 
Mr_TruCk
يوميات عمر وساره - صفحة 2 Vote_rcap1يوميات عمر وساره - صفحة 2 Voting_bar1يوميات عمر وساره - صفحة 2 Vote_lcap1 


 

 يوميات عمر وساره

اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:18 pm

الحلقة 14






) يوم شراء الشبكة !!



يارب اليوم ده يعدى على خير !! امبارح زارنا عمر ووالده ووالدته وكانت زيارة جميلة أهل عمر فرحانين بى جدا وقعدوا

مع ماما وبابا وهات يا كلام وانا وعمر انتهزناها فرصة طبعا وأخدنا جنب بعيد و اديناها رغى وتهريج لحد ما لقينا صوت

الكلام بين الاباء انخفض والوجوه اتوترت شوية وواضح ان فيه مشكلة فى الجو 000 وكل اللى سمعناه انا وعمر شوية

كلمات زى ( لا لا ده قليل اوى !) ( لا ده كده حرام! ) وحاجات زى كده حاولنا نفهم فيه ايه مفيش فايدة 0000لحد ما والد

عمر ووالدته استأذنوا فجأة بدون سابق انذار !! وعمر حصلهم بسرعة وانا واقفة فاتحة بقى ومش فاهمة حاجة

خالص !!! وسألت ماما عن اللى حصل ماردتش على وسمعتها بتقول وهى ماشية ( ابتدينا بقى النكد ده ايه وجع القلب

ده !! ) يا ما شاء الله ربنا يستر !!

سارة


(انا مش فاهم حاجة خالص أقدر أعرف فيه ايه ؟) قلتها لأمى وأبى واحنا فى العربية اعتراضا منى على نزولهم المفاجىء

من بيت سارة 000 ردت على ماما وقالت لى ( مش عاجبهم يا سيدى اننا نجيب شبكة ب5 تلاف جنية 00 قال عاوزين

شبكة ب 8 تلاف قال 00 هو حد لاقى عرسان فى الزمن ده ؟ )

رد عليها بابا ( انتى كبرتى الموضوع وقلبتيه فصال وأحرجتينا مع الناس 00 ليه كده ؟ )

حسيت بخجل وارتباك كبير يا خبر ابيض دلوقتى سارة تقول علينا ايه ؟ قلتها فى سرى ولم استطع نطق كلمة لأنى لا

أجرؤ حتى على الاعتراض لأنهم هم من سيدفعون ثمن الشبكة 000 اه ياربى لو كان المال مالى كنت جبت لها كنوز الدنيا 000
يا ترى يا سارة بتفكرى فى ايه دلوقت ؟؟؟
عمر
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:19 pm

ربنا يستر البداية لا تبشر بخير انا عن نفسى مش مشكلة عندى الشبكة واصلا لا احب الذهب وافضل عليه الفضة لكن

المشكلة الحقيقية ان يكون الناس دى بخلاء دى تبقى كارثة !!! طب وعمر رد فعله ح يكون ايه ؟ يا ترى حيفضل ساكت ؟


وح يوافق على كلام اهله بدون اعتراض ؟

افقت من أفكارى وماما بتفتح لى باب العربية وبتصرخ فى وتقولى ( يالا يا بنتى محل الجواهرجى اهه والناس مستنيانا جوة 00)
سارة

ياااه اول مرة أبقى خايف وانا باشوف سارة انا بجد خايف احسن تحصل مشكلة وانا مش فى ايدى حاجة اصلا 000

مديت ايدى وسلمت على الجميع سارة شكلها لم تنم جيدا واضح على وجهها الارهاق وفى عينيها نظرة تساؤل وانتظار 0000

ولاحظت علامات تحفز وعصبية على وجه حمايا وحماتى ومثلهم على وجه ابى وامى 000 دى الحرب العالمية التالتة ح

تقوم ربنا يستر ياااااااارب
عمر

انا مش عاوزة دهب ولا مشاكل انا عاوزة الموقف ده يعدى واروح وخلاص 000 ده الجواز ده كله توتر وحواديت !!!

حمايا قال لى (اختارى ياعروسة الى يعجبك )

وانا اصلا مش باعرف اقدر قيمة الدهب كويس وخصوصا انه نار الايام دى 00 مددت يدى على طقم دهب ابيض على

شكل ضفيرة وبه فصوص كثيرة وقلت حلو ده 00 امتعضت حماتى وقالت ( لالالا الدهب الابيض مصنعيته غاليه اوى

والفصوص بتخسر لما تحبى تبيعيه ) بصيت لعمر لقيته ساكت تماما 000 اتضايقت بس قلت عندها حق اشوف حاجة

تانية
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:19 pm

اختارت لى ماما طقم اخر وقبل ما ألمسه حماتى العزيزة قالت ( لا لا لا ده شكله تقيل وغالى جدا احنا ما اتفقناش على

كده ) وعمر لا ينطق بكلمة 00 اتضايقت جدا كان نفسى يقول لها سيبيها تختار اللى هى عاوزاه 00 لكنه صامت تماما



همت ماما بالكلام لكن بابا منعها كى لا يزيد الجو اشتعالا وقال لى اختارى حاجة تانية ياسارة اخترت واحد تانى لم

ي
عجبنى لكن علشان أخلص وخلاص وبعد معرفة ثمنه اعترضت وقالت( لا برضه غالى !!! )

انت رأيك ايه يا عمر ؟ قلتها له وكلى ترقب لما سيقول رد على وهو يتحاشى النظر الى ( اللى تتفقوا عليه انا موافق


عليه !!) ياااه هو ده اللى ربنا قدرك عليه ؟ امال امتى ح تدافع عنى ؟ قلتها فى سرى وكى لا أبكى او انفجر فى وجهه قلت

لحماتى اختارى انتى يا طنط اللى يعجبك !!!


وبالفعل اختارت طقم يناسب المبلغ المقدس تماما ووافقت ماما تحت ضغط نظرات بابا النارية ولم انظر الى الطقم


وتركتهم يكتبون الفاتورة وجلست فى صالون بعيد فى المحل وانا اقاوم البكاء والانفجار من موقف عمر السلبى فى اول


احتكاك حقيقى

ورأيته قادم يبتسم ويقول لى ( مبروك عليكى االشبكة ياعروسة ) رديت عليه والكلمات تخرج من فمى مثل الرصاص


( مبروك عليك انت انا مش عاوزاها ولا عاوزاك !!!!)
سارة
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:20 pm

الحلقة 15

لم ارد على مكالمات عمر المستمرة وجعلت الموبيل سايلنت وجلست فى غرفتى أبكى باستمرار من موقف عمر السلبى هل


سأتزوج رجل بدون شخصية ؟ هل حماتى العزيزة هى من ستتحكم فى حياتى ؟ ومن يجبرنى على هذا ؟ هل هذا موقف

عارض ام ان هذه هى الحياة المنتظرة معه ؟ يارب انا فى حيرة دلنى ماذا أفعل 000 ومسحت دموعى عندما نادت على

ماما ( يا سارة عمر هنا تعالى بسرعة 00!!)
سارة


جلست فى الصالون فى انتظار سارة وانا لا أجد كلام أقوله لها شكلى بجد وحش جدا 000 هى عندها حق 00 لكن لما فى


أول مشكلة بيننا تقول لى انا مش عاوزاك ازاى الحياة ح تستمر بعد كده ؟؟ كان ممكن تعاتبنى او حتى تتخانق معايا

بينى وبينها لكن تبيعنى كده على طول ؟ كده برضه يا سارة تتخلى عنى علشان الفلوس ؟

عمر

دخلت على عمر وسلمت عليه فى فتور وطلبت من ماما وبابا انهم يتركونى اتحدث معه بدون مقاطعة علشان ماما كانت


ناوية تطلع كل غضبها فيه 000 دخلت الصالون بدون ولا كلمة وتوقعت ان يعتذر لى عما حدث 00 فوجئت به يقول لى

بغضب

( انتى مش بتردى على تليفوناتى ليه وكمان تقولى لى انا مش عاوزاك 00 كل ده علشان الفلوس ياسارة ؟ !! )

فوجئت برد فعله الغاضب هو كمان اللى زعلان ؟! ده بدل ما يصالحنى ؟ !

(فلوس ايه اللى بتتكلم عليها يا عمر ؟ 00 انت حتى مش حاسس انا زعلانة من ايه ؟ انا زعلانة لأنى كنت راسمة لك

صورة جميلة فى خيالى وفجأة لقيت واحد تانى انا ما اعرفوش انسان مش بيدافع عنى فى وقت انا محتاجالك فيه 000

لقيتك خايف تقول ولا كلمة ولو حتى انك تراضينى والسلام 000 وكل ده وتقول لى فلوس ؟!)

رد بغضب أشد وعصبية مخيفة : برضه ده مش مبررانك تقولى انك مش عاوزة الشبكة ومش عاوزانى !!!

فوجئت بغضبه الشديد وعصبيته الكبيرة وأحسست بخوف منه لأول مرة000 ولم أجد ما أقوله فانفجرت فى بكاء مرير 0000
فوجدته يخفض من صوته وتلين ملامحه وتتحول الى رقة شديدة وحنان كبير وكأنه اب يخاطب طفلته الصغيرة الباكية

00 ( انا اسف جدا ياسارة 00 ارجوكى ما تبكيش 00 دموعك غالية على جدا 00 خلاص بقى انا غلطان 00 ارجوكى كفاية انا مش قادر استحمل 00 انا فعلا جرحتك ووضعتك فى موقف محرج بس والله غصب عنى 00 ارجوكى يا سارة عاقبينى بأى عقاب الا انك تبكى 0
0انا ضعيف جدا امام دموعك 00 خلاص بقى انا اسف 0اسف 00 اسف مليون اسف00!)

هدئت قليلا من كلماته الرقيقة واحساسه بالذنب وشعرت بحنانه الكبير الذى احاطنى بدفئه وقلت له بصوت متقطع :

( كان ممكن يا عمر تنبهنى قبل ما نشترى حاجة بالموقف وانا عمرى ما كنت ح احرجك واختار حاجة غالية ابدا 00 لكن

لما الاقيك حتى مش بتتكلم ده فعلا صعب على 00 انا طول عمرى راسمة فى خيالى صورة للرجل انه حنان واحتواء وقوة

شخصية 00 انا ممكن اتنازل عن اى ماديات لكن الصفات دى لا يمكن اقدر00 )


انا اسف جدا000 بس بجد ما تظلمنيش انا عمر شخصيتى ما كانت ضعيفة وعمر والدتى ما اتحكمت فى ابدا 00 انا كمان

فوجئت بموقفها وعاتبتها عليه فى البيت 00

لكن انا مفيش فى ايدى حاجة 00 هم من سيشترون وأخجل ان اطلب المزيد وأخجل ايضا ان احرج امى امام الناس لكن

أوعدك الف وعد اننا سنتشارك ونتفق على كل خطوة انا وانتى بس قبل تدخل الأهل وعمرى ما ح اتخلى عنك ولا ازعلك

ابدا ابدا خلاص اتفقنا ؟ 000)

ابتسمت من رقته وصراحته وقلت من بين دموعى ( خلاص اتفقنا وانا اسفة انا كمان لو كنت جرحتك 00 )

(لما قلتى لى انا مش عاوزاك حسيت ان الدنيا خلاص انتهت وانى معقول ح اعيش من غيرك ؟ 000 وانى مش قادر افكر

ولا اتكلم ولا انام 00 ارجوكى يا سارة اوعى تقوليها تانى ولا حتى وانتى زعلانة 00 وان كان على الشبكة يا ستى انا لو

كانت دى فلوسى كنت جبت لك جواهر الدنيا كلها ورميتها تحت ايديكى ولا انى اشوف دموعك الغالية دى تانى !!!)

(خلاص ياعمر انا بجد مقدرة موقفك ومفيش مشكلة خلاص )

(لا يا ستى فيه مشكلة ومشكلة كبيرة كمان 00! )

(اييييييييييييييييه تااااااااااانى ؟؟؟؟؟؟؟؟)

الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:20 pm

(المشكلة دلوقتى يا ستى انى لاحظت انك بتبقى زى القمر بعد البكاء فانا ح اضطر – غصب عنى والله – انى انكد عليكى

يوميا حاليا00 وبعد ما نتجوز يمكن نوصل للقسم 00 علشان أشوف عنيكى الجميلة دى بالصفاء والجمال ده !!!)

( يا خبر ايه ده كله ؟لا انت اسهل تقول لى أعيط امتى وانا اعيط من غير نكد ولا اقسام000!! )

(لسه فيه مشكلة كمان 00 )

(يارب استر ايه كمان ؟؟؟؟؟؟؟؟؟)

(بصى بقى يا ستى انا اتخذت قرار لا رجعة فيه ولا جدال 00 ولا حتى استعطافات 00 ان حفلة خطوبتنا تكون بعد

اسبوعين 00 علشان تلبسى دبلتى للأبد 00 واقول لكل الناس القمر ده ملكى انا 00 واكتب على قلبى لوحة مكتوب فيها

00 قلب مسكون بأجمل ملاك للأبد000قلتى ايه يا حبيبتى ؟ )

(موافقة يا سى السيد 000000000000000)


الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:21 pm

الحلقة 16





ادى اخرة اللى يسمع كلام العيال 00 معقول تلحق نجهز كل حاجة فى الكام يوم دول ؟ الله يسامحك يا سارة !!) هذه كانت


عينة صغيرة من القذائف التى تنهال على رأسى كل دقيقة من أمى وابى بعد ما أقنعتهم بكل وسائل الزن والالحاح

المعروفة عند البنات ان تكون حفلة خطوبتنا انا وعمر بعد اسبوعين ( يعنى أكسر كلام سى السيد ؟!!!) وبعد صاعقة

المفاجأة التى هبطت على رأس أمى وأبى من الميعاد المفاجىء العيالى على حد وصفهم وبعد الزن المتواصل من جانبى

وافقوا على مضض على ان تكون حفلة فى بيتنا على الضيق تجمع الأسرتين فقط 000وأعجبنى الحل ده جدا لأنى أصلا لا

أحب حفلات الخطوبة فى الأماكن العامة لأن العروسين لا يكونوا يربطهم شىء وفى بداية التعارف 000 يبقى ليه بقى

نفرج الدنيا كلها علينا مش يمكن ما يحصلش نصيب ؟؟؟


سارة


( الخطوبة فى البيت ؟ 000 ليه بقى ان شاء الله هو احنا عندنا كام عمر ؟ ما ينفعش الكلام ده ابدا !!!) هذه كانت عينة


صغيرة من القنابل التى كانت تلقيها أمى على أذنى عندما علمت بموضوع حفلة الخطوبة المنزلية 000 ولما كنت لا أريد

ان تتكرر مأساة الشبكة مرة أخرى 00 أخبرت أمى انى انا وسارة متفقين على هذا ولا داعى أبدا ان تفتح هذا الموضوع

معهم 00 وبعد الحاح وزن كبير جدا وافقت على مضض مشيرة الى انى من دلوقتى ح امشى ورا كلام الست هانم !!! طبعا

عملت نفسى مش سامع ولا عارف مين هى الست هانم المذكورة وربنا يستر !!


عمر


الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:21 pm

بجد انا مجنونة انى وافقت عمر طب هو ح يشترى بدلة فى نصف ساعة طب وانا ح اعمل ايه فى الفستان ؟ ده حدوتة

كبيرة جدا

وللأسف لم اجد فى الجاهز شىء يناسبنى 00 بعد ما تطوعت صديقة مقاتلة لى ان تلف معى على المحلات وبعد 3 ايام


متواصلة من اللف المتواصل وبعد ما اصابنا كساح وشلل رباعى من كتر المشى توصلنا الى نتيجة رائعة ان كل ملابس

السواريهات الان مصممة للسباحة وليس للحفلات ما شاء الله كله عريان جدا جدا وكأن الطبيعى جدا ان البنات تلبس

الكوارث دى !!! وكل ما كنت أسأل على شىء يصلح للمحجبات كانت البائعة تخرج لى شىء ملائم تماما لماما أو لحماتى

العزيزة لكن شىء شبابى محتشم لاااااااااااااااااا يمكن لييييييييييه مااااااااااعرفش ؟!!!!


سارة



والله ويقيت عريس يا واد يا عمر !! قالها صديقى وانا اقيس البدلة الفاخرة التى اشتريتها بتحويشة العمر00وجدناها


فورا المحل الذى اتعامل معه دوما 00 بس لسه الكرافتة قال البائع انها موجودة فى الدور التانى من المحل 00 ياااه لسه

ح اطلع ده مفيش اسانسير 00 الظاهر الجواز ده كله ارهاااااااااااااااااااااااااق !!!!

عمر



(خلاص بقى كفاية عياط موتى نفسك يا بنتى خلاص فصلي الفستان ويارب صاحبة الاتيليية ترضى تخلصه بسرعة !!)


قالتها لى ماما بعد ساعتين من الزن المتواصل وانا احكى لها رحلتى الفاشلة اليومية بين المحلات وقد تورمت اصابع

قدمى واصبحت فى حجم الكورة الشراب 00 واكيد صديقتى ح تقطع علاقتها بى بعد العذاب اللى وريتهولها والكساح الذى

أصابها 000 لا وح اتفرس انى اتصلت بعمر لقيته صاحى من النوم تعبان علشان نزل اشترى البدلة فى ساعة الا ربع !!!

لا صحيح بجد الرجالة دول بيتعبوا !!!


سارة


الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:22 pm

انا مش عارف سارة مكبرة موضوع الفستان ليه ما أى حاجة وخلاص صحيح البنات دول فاضيين ورايقين اوى 000

وبعدين ح تفصله اخيرا وما رضيتش تقول لى لونه ايه علشان المفاجأة ربنا يستر ويليق على البدلة أحسن يبقى شكلنا


اخر بيئة 000 بجد البنات دول عليهم تقاليع عجب !!!!!!!!


عمر



أمامى ألف مجلة أختار منها الموديل وفى الاخر رميت كل المجلات وأخرجت قلم وورقة وقعدت أرسم مليون تصميم وكلهم


طلعوا وحشين جدا 000 ياربى ليه البنات على طول تعبانين فى كل حاجة من ا لصغيرة للكبيرة ؟ انا ح اسيب صاحبة

الاتيليية تختار حاجة مناسبة لى وخلاص هو يعنى فرح الأميرة ديانا ؟؟؟؟ قلتها فى سرى وهى تجلس أمامى من عشر

ساعات تنتظر اختيارى النهائى وهى ح تطق منى 000 وبعد طول عذاب منى اختارنا الموديا انا وهى وتنفست الصعداء

وهى تكاد تطردنى من المحل وتقول بابتسامة طهقانة ( والفرح امتى ان شاء الله يا عروسة ؟) رديت وانا اكاد اجرى من

أمامها من رد فعلها المتوقع ( بعد عشر ايام !!!) 0000000000 ايييييييييييييييييييييييييييييييييه

مووووووووووووووووووش ممممممممممممكن ابداااااااااااااا

سارة


اضطر اسيب ذقنى ما احلقهاش اليومين دول ولا شعرى كمان واستحمل التريقة من اصحابى والعيلة عندنا 00 يالا اهو


اااااااالواحد لازم يضحى ويتعب علشان يتجوز !!



عمر



خلصت كل انواع الماسكات والسنفرة والكريمات المعروفة والمجهولة واى واحدة تخبرنى عن وصفة للبشرة او الايدين


اجربها فورا 00 واصبحت غرفتى مطبخ به اعاجيب الدنيا السبعتاشر من قشر خوخ 00بياض بيض 00جلسرين وليمون 00
زبادى وعسل واى شىء اجده فى التلاجة عند ماما انقض عليه فورا واجرى عليه تجاربى الجهنمية !! انا عاوزة اعرف

كل االبنات بيتعذبوا العذاب ده ولا انا بس اللى لاسعة 00 بس كله يهون علشان خاطر عيونك يا عمر 000000000000


سارة
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:23 pm

الحلقة 17





أكاد افتح عيونى بالعافية وأغالب النوم بقوة وانا جالسة عند الكوافيرة !! امبارح سهرت فى الاتيلية علشان أخلص


الفستان 00 وكانت خناقة كبيرة بينى وبين عمر على الموبيل لما لقانى الساعة 11 لسه ما رجعتش البيت رغم ان ماما

كانت معايا وبابا وصلنا بالعربية الساعة 12ونصف بعد ما خلص الفستان اخييييييييييرا !! ورغم كده عمر كان بيتخانق

بمعدل كل ربع ساعة خناقة !! ويقولى خلاص اللى خلص من الفستان كفاية ومش مهم الباقى وكفاية تأخير !! يعنى اخده

بكم اه وكم لأ ؟!! يالا اهو تغيير برضه 000 طب انا ذنبى ايه فى كل الدوشة دى ؟ هو زعلان منى ليه وعلشان اليوم ما

يقلبش نكد أرسلت له رسالة قبل ما أروح للكوافير قلت له ( انا اسفة على تأخير امبارح 00 انا نفسى أكون جميلة علشان

أليق بيك النهاردة !!) وطبعا اتصل بى فورا وكان فى منتهى الرقة 0000 اه من عقل الرجالة !!!


سارة



رسالة سارة الجميلة امتصت كل غضبى 00 فعلا سارة ذكية جدا وبتعرف امتى توقف المشكلة بينى وبينها 00 انا مش


مصدق ان النهاردة ح ابقى عريس بجد !! أصحابى كل شوية يكلمونى و يبعتوا لى مسجات ملخصها كلها ( بكرة تندم يا

جميل !!!) معقول الجواز يبقى خنقة وجحيم زى ما بيقولوا ؟ لا أعتقد 00 لأن أنا وسارة متوافقين فى الشخصية وطريقة

التفكير ووو00 المشاعر كمان 00 يبقى الفشل ح ييجى منين ؟ ربنا يستر 00 قمت توضئت وصليت ركعتين قضاء حاجة

ان يوفقنا الله انا وسارة طول العمر 00000000


عمر




انا بجد خلاص ح انفجر00 من 4 ساعات وانا عند الكوافيرة ولا أفعل شىء 00 المحل فيه 7 عرايس غيرى !! بجد كأننا


فى سيرك الحرارة عالية جدا 00 والعرايس كلهم متوترين وخايفين يتأخروا عن ميعادهم وكلهم بيتحايلوا على الكوافيرة

علشان تخلصهم كلهم مع بعض ازاى ما أعرفش !! عملت لى ماسك اول ما جيت الصبح وعملت شعرى رغم انى ح

أغطيه!! يعنى باختصار لسه ما عملتش حاجة خالص والساعة 4 وعمر حييجى الساعة 7 !!! كلمنى عمروسألنى

( عملتى ايه ؟) قلت له( ولا حاجة خالص !!) وصوتى مخنوق بالبكاء قال لى (ولا يهمك انتى قمر من غير حاجة00 طيب

أكلتى حاجة يا سارة ؟ ) رديت باستغراب ( أكل ؟!! 00يعنى ايه الكلمة الغريبة دى ؟ )


سارة
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:23 pm

سارة عاملة زى الأطفال لازم حد يتحايل عليها علشان تاكل 00 اتصلت بمطعم بيتزا وأعطيته عنوان الكوافيرة كى يرسل

لها طعام 00 ورأتنى أمى وأنا أرتب هذا وكادت ان تنطق بعصبية جملة بها (00 ست الحسن 000!! ) كالمعتاد 00ولأول


مرة أرى فى عينيها نظرة تشبه الغيرة !! وبدل ان أعاتبها وتقلب نكد كالعادة أخذتها فى حضنى وقلت لها : ( عارفة ياماما

انا باحب سارة ليه علشان نسخة منك 000 بس انتى الأصل يا جميل والباقى تقليد !!!) فوجئت بضحكتها الصافية وهى

تضمنى لها وتدعو لى بالسعادة مع سارة !! ياااااااااخبر ماما بتغير على ؟؟؟؟؟؟!!!!!!


عمر



(بيتزا للانسة سارة 00 العريس باعتهالك !! ) دوت الجملة فى مركز التجميل كالرصاصة وصاحبتها همسات وضحكات


مكتومة من بقية العرايس معناها ( شايفة عريسها بيحبها ازاى ؟ ) غرقت فى الخجل من نظرات الجميع 000 وفتحتها

وانا اتذوق أغلى وألذ بيتزا تذوقتها فى حياتى 0000 بجد من يقول ان الحب أهم ما فى ااااالحياة لا يعرفون شىء 00 أهم

ما فيها هو الحنان 000


سارة



الساعة 6 وانا عند الكوافير الرجالى 00 خلاص خلصت كل شىء 00 واديتها جل على شعرى والبرفان الجامد جدا


ولبست البدلة وكله تمام 00 ايه الشياكة دى يا واد يا عمر ؟ صديقى ذهب يزين العربية وسيأتى بعد نصف ساعة كى

نأخذ سارة من الكوافير الساعة 7 تماما مش عاوز أتأخر عليها أحسن تزعل منى 00


عمر



(ياستى انا ميعادى كمان ساعة ولسه ما عملتش حاجة خالص !!!) قلتها للكوافيرة وانا أكاد أبكى 00 ردت على ببرود


كبير معتادة عليه ( لسه 3 عرايس وبعدين انتى !! ما تقلقيش ياعروسة !!) 3 عرايس ؟!!!!!!!!!!! ده انا ح أخلص

الساعة 12 ان شاء الله !! وصوت الموبيل لا يتوقف عن الرنين من عمر وماما الكل بيستعجلنى وكأن الذنب ذنبى 00

ارتديت الفستان ومن عصبيتى جزء صغير منه اتقطع من الذيل 0000 اه فعلا هذا ما ينقصنى الان !! 00 انطلقت صديقتى

تبحث فى المحلات المجاورة عن ابرة وخيط بلون الفستان كأنها تبحث عن ابرة فى كوم قش00 وأخيرا جاءت وحاولنا

محاولات مستميتة ألا يظهر هذا العيب 00 يارب استر يارب00


سارة
الرجوع الى أعلى الصفحة اذهب الى الأسفل
احمد بديع
مدير الموقع
مدير الموقع
احمد بديع


ذكر
عدد الرسائل : 5031
العمر : 54
تاريخ التسجيل : 17/04/2008

يوميات عمر وساره - صفحة 2 Empty
مُساهمةموضوع: رد: يوميات عمر وساره   يوميات عمر وساره - صفحة 2 Emptyالجمعة نوفمبر 27, 2009 8:24 pm

الساعة 8 ونصف وانا واقف أمام مركز التجميل انا وأصدقائى وبعض من أهل سارة 00 هم بيعملوا ايه جوة بالضبط ؟ !

ولا حظت وجود عدة سيارات مزينة وعرسان مثلى والجميع منتظر الفرج وكأننا فى كرنفال وكل ما تخرج عروسة من


الكوافير الجميع يجرى عليها 00 ثم يفوز واحد بها ويتنفس الصعداء والباقى يعودون يجرون أذيال الخيبة !!! وسارة لا

ترد على الموبيل ابدا 0000

عمر


أخيرا حنت على الكوافيرة وبدأت فى تجهيزى والغريب انى لم استغرق معها نصف ساعة والساعة أصبحت 9 ونصف


ونظرت الى وجهى فى المراة بعد كل هذا التعب 00 وجدت الفستان أنيق للغاية 00 ووجهى لم أره بهذا الصفاء من قبل 00
خلاص بقيت عروسة ؟؟!! يارب أعجب عمر وكل الناس 00 بس عمر أهم من كل الدنيا 000

سارة


تسمرت من مكانى عندما رأيت سارة تخرج من مركز التجميل 00 ونسيت الانتظار الطويل والمكالمات الغاضبة من أهلى


وأهلها على كل هذا التأخير 00 نسيت الدنيا كلها عندما رأيتها تتألق فى فستان رائع من اللون الأزرق الصافى المشغول

برقة بخيوط فضية خلابة 00 ووجهها لم أرى أجمل منه فى حياتى وكأن كل نساء الدنيا تجمعت فى امرأة واحدة 00

جريت عليها وهمست لها 00 بحبك يا سارة
الرجوع الى أعلى الصفحة اذهب الى الأسفل
 
يوميات عمر وساره
الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2
 مواضيع مماثلة
-
» يوميات نصر اكتوبر 1973
» حصريا يوميات المفتش كرومبو
» على هامش يوميات منسي، السيد حافظ بين سندان الثقافة ومطرقة ال

صلاحيات هذا المنتدى:لاتستطيع الرد على المواضيع في هذا المنتدى
شباب عرب (صلى على محمد) :: المنتديات العامة :: النقاش الجاد جدا-
انتقل الى: